1º TRIMESTRE 2016-17

Conto viaxeiro-

Na semana previa á celebración do magosto  fixemos unha creación colectiva dun conto  de temática propia desta celebración, coas pautas de creación desenvolvemento e final do mesmo, na que participaron todos os nenos/as  de infantil e primaria, rotando por todas as aulas e que se deu lectura colectiva unha vez finalizado.

                                 En cartel- “Bruxa que estás no Penedo”-

     Neste tempo de maxia , achegouse a primeira peza teatral coa participación practicamente da totalidade de mestras  “Bruxa que estás no penedo” e representada para todo o centro na semana de celebración do Samaín.

                                                                 Paseo pedagóxico polo Samaín-

Esta actividade pretendeu achegar o Samaín a todos os nenos/as do centro nunha xuntanza conxunta na que os maiores de 5º e 6º investigaron sobre a orixe, tradición, influencias do Hallowen, e a modo de relatorio achegáronnos información sobre o mesmo. Nesta actividade participaron os de 5º e 6º como relatores e de 1º a 4º como asistentes ó relatorio.

Tratocontos-

Nesta actividade os titores e especialistas cambiamos de aula e grupo para ler ás outras aulas. Esta actividade levouse a cabo con todos os cursos durante unha semana e na hora de ler que ten establecida o centro.

A viaxe das cabazas-

Inspirada na temática do fío condutor do proxecto de centro “ Turismo sustentable” as familias, alumnado e profesorado fixemos unha exposición de cabazas no centro, como se ven desenvolvendo ao longo dos anos sendo esta unha actividade que goza de tradición no centro.

Pintando o demo-

A arte e o medo ensamblan a proposta de arte que coa participación de todos cooperativamente recreamos a través do xogo de palabras no dito “ pintando o demo”  a saber “ facendo trasnadas”. Así as cores, collage, texturas,… deron forma a un mural de construción colectiva de todo o centro.

                                                            II Carreira de San Martiño-

Este é o noso segundo ano celebrando esta actividade que tanta ilusión crea no centro. Baseándonos na tradición galega da Carreira do San Martiño, realizámola na escola ao igual que o ano pasado, Cada clase deseñou o seu dorsal en galego e participa das actividades previas de preparación, deseño, aportación de ideas, aspectos curriculares relacionados e fixemos circuítos por categorías de idades. Este ano repartíronse medallas a cada participante , e dicir, a todo o alumnado de infantil e primaria. Nela participaron tamén o profesorado. Despois o magosto coa degustación compartida (alumnado, profesorado, familias) das castañas.     

                                                          Samaín musical-

A música non ten límites na nosa lingua. Este ano polo Samaín apostouse por facer un recompilatorio de cancións galegas que cantaban ao Samaín. Así versionaron e instrumentalizaron os cursos de infantil e primaria cinco cancións en galego relativas ao Samaín.

Na mochila dos Dereitos-

O 20 de novembro os nenos/as da clase de 4º de primaria compartimos con aulas de todos os centros da localidade de Tomiñounha xornada de Pleno sobre Os Dereitos da Infancia, en colaboración co concello de Tomiño(organizador) e Unicef. Na actividade os participantes de cada centro expoñían o seu traballo sobre o dereito traballado. No noso caso o dereito á familia. Para iso traballouse sobre a presentación, a recompilación de información, o tratamento e a creación dun vídeopara divulgación e recurso de presentación, que pode verse no blog de dinamización de lingua no centro. Esta actividade tamén tivo difusión nas redes sociais coma facebook e twiter a través do concello. A actividade desenvolveuse integramente en galego.

Enlaces: https://youtu.be/OpUkmm2Qlpohttp://falamosbarrantes.blogspot.com.es/

Excursión ao Parlamento galego, Museo do Pobo Galego, e Museo de Historia Natural-

No proxecto que este ano nos ocupa, non podiamos deixar de lado coñecer parte do noso, turismo Galego de museos, e por iso decidimos facer ruta a Santiago con todos os nenos/as de primaria para que coñeceran o Parlamento Galego como institución do poder lexislativo  ( 3º, 4º, 5º e 6º), o Museo do Pobo galego ( 1º e 2º) e todos xuntos o Museo de Historia Natural pola tarde.