2º TRIMESTRE 2016.17

 Por Siria! – Día da Paz-

Iniciamos este trimestre co “Alén Barrantes…Por Siria” cunhas xornadas por Siria durante o mes de xaneiro, na que se pretendía facer chegar a situación do pobo Sirio a toda a comunidade escolar e tamén, a través da difusión nos medios de comunicación social como rede e prensa, a todos os demais receptores. Temas coma: análise dos medios, da situación, contextualización xeográfica, música… cantando a canción Siria coas nosas voces e acompañamento, e a arte a través dun mural de collage feito cooperativamente e a reciclaxe con botellas de plástico para facer flores e en cada unha delas unha palabra para a frase de petición que fixemos no Día da Paz, tal como se pode ver no blog de normalización do centro “Falamos?” no enlace:

http://falamosbarrantes.blogspot.com.es/

e no xornal La Voz de Galicia, suplemento “ La Voz de la escuela”  no enlace:

http://www.lavozdegalicia.es/noticia/lavozdelaescuela/2017/02/01/span-langgl30-xaneiro-xornada-pola-paz-non-violenciaspan/00031485802336880960275.htm

Chega Rosalía!-

Este ano, como todos os anteriores, celebramos o Día de Rosalía e unímonos á proposta da Asociación de Escritores en Lingua Galega (AELG) coa  proposta de caracterización de Rosalía de Castro cunha máscara e a lectura de verso, poema cos seus maiores para o día 17 de febreiro. Sacaron unha foto compartindo o momento da lectura do verso cos seus maiores, e compartirémola en rede a través da AELG. Nesta actividade participou todo o centro dende infantil a primaria, mestres e familias.

https://www.youtube.com/watch?v=LoF7j5vWJQE

Entroido–

O turismo sostible ábrese con forza en Tomiño, para poñer en valor “ o noso” e para iso traballamos estes aspectos a través de proxectos nas aulas correspondentes ao disfraz que leven e haberá unha posta en común dos mesmos: os pilares económicos da zona ( a uva ,viño, o kiwi, a planta ornamental) para as aulas de infantil; a danza de Estás e as treboadas para 1º e 2º, o patrimonio arqueolóxico con unha das  estacións rupestres máis importante de Galicia por conter o petróglifo de círculos concéntricos máis grande a nivel europeo situado no Monte Tetón para 3º e 4º e o patrimonio artístico poñendo de relevancia os artistas desta zona de Galicia que destaca por ter grandes escultores e artistas de talla internacional para 5º e 6º.

A construción do Meco coa temática do centro de interese, as coplas, as ordes, a divulgación dos “entroidos de Galicia”, a gastronomía con doces típicos, a música coa percusión das “Treboadas de Tomiño”, o roteiro do entroido que se levou a cabo fora do centro escolar, e a súa difusión na nube, ocuparon este tempo de festa coas familias, e toda a nosa comunidade escolar.

https://www.youtube.com/watch?v=CZgoPXnvOn0

I Certame de literatura e Ilustración en lingua galega

Iniciamos no 2º trimestre e chegou ao 3º, unha andaina pola literatura galega para achegar distintos xéneros aos nosos cativos/as, especialmente a prosa e a poesía. Así convocamos o 1º Certame de Literatura e Ilustración en lingua galega en prosa e verso, coas bases nas que participarán os nenos/as dende 1º a 6º en dúas categorías:

·       Botasde 4º a 6º

·       Botínsde 1º a 3º

Na categoría de Ilustración participaron os nenos e nenas de Ed. Infantil.

Tivemos un xurado moi especial porque contamos co director do IEM tamén  representante da sección de Literatura do Instituto de Estudos Miñoráns (IEM- www.iem.gal) que seleccionou os premiados para o certame de Literatura.

Dos 94 alumnos/as do centro se presentaron un  total de 61 obras. Delas 33 optaron ao premio de Literatura e 36 ao premio de ilustración poética.  O acto de entrega  tivo lugar coa lectura das 5 obras premiadas e coa explicación das tres obras de ilustración premiadas e coa asistencia de todo o centro.

Viaxando do pasado aos nosos días: Lendas e mitos de tradición oral-

Da actividade inicial prevista polo equipo de recollida de información sobre lendas da zona, fíxose unha busca de informadores e enviouse nota ás familias, pero nesta temática non atopamos moitos informadores e o escaso tempo tampouco permitiu investigar afondo e facer esta recollida.

Para dar a coñecer este patrimonio aos nosos cativos e cativas  fíxose unha selección das  rexistradas no libro “ Mitos e lendas de Tomiño”  e foron divulgadas polos nenos e nenas no Turonia de primaria !º a 4º, que se fixo o día 14 de xuño.

Viaxando do pasado aos nosos días:  O noso…Terras de Tomiño-

Este proxecto iniciouse este ano e empregaremos un ano máis posto que o tempo para traballalo non foi suficiente.

Da parte do traballo rexistrado este ano fíxose a primeira parte en obra ilustrada e con escrito inspirador da obra, na ollada dos nenos e nenas.

Portugal…de viaxe coas palabras!-

Neste enlazado anterior está engadido o proxecto presentado ao noso país veciño (Portugal). Solicitamos unha colaboración con unha agrupación escolar de Vilanova de Cerveira para comezar este ano un proxecto que ten viabilidade e perspectiva de futuro nos anos vindeiros a través do cal será a cultura a que viaxe en distintos soportes: dossier, libro, portfolio, escolmas poéticas,… Este ano a proposta foi de elaboración dun dossier de intercambio dun escritor (Carlos Casares) por outro que eles quixeran compartir con nós. Da entrevista realizada co centro decidiuse que o ano que vén realizaremos ese intercambio.