VIAXANDO EN...GALEGO

Vertebrar este ano o proxecto na razón do fío condutor que nos inspira, supón un ir e vir da palabra, da súa forma, da súa da razón de ser, da necesidade de ser dita, lida, agasallada, espallada,... “Un país de palabras”, obra de Carlos Casares inspira a escrita, os costumes, e o ensaio narrativo,...as nosas historias contadas, vividas e imaxinadas.

O Ano Internacional do Turismo Sustentable acolle precisamente esta proposta a través da viaxe da lingua, de aquí acolá, de ir e vir, de levar e traer, de dar e recibir, de ser escoitada e falada...coa convicción de que coñecer e facer abre camiños, destinos novos.

Achegar o mundo a través da fala, do seu sentir fai que sintamos a necesidade da palabra na situación actual do mundo, que chega ata nós nesa viaxe que ten que volver en manifestos e verbas de lingua.

A necesidade de traspasar fronteiras para facer ver e sentir a nosa lingua, a nosa cultura, o gozo do propio...a nós.

Nós, que aquí habitamos dende séculos, espallados tamén polo mundo, e acollendo aos outros “ Nós” que veñen de lonxe.

As nosas tradicións e as nosas cousas que tecen o noso propio, onde os mitos e lendas toman entidade, e “o noso” espállase.

As conmemoracións e a transversalidade que fan medrar o achegamento á nosa cultura.

Sirva isto para comprender a forma a carón dunha viaxe, o deleite do propio entre a viveza e o divagar do tempo, mantendo viva e con forza a nosa cultura e a través dela o valor das outras atopadas nesta viaxe.

Viaxe de partida na arte, patrimonio, alicerces económicos, música, danza, gastronomía,... viaxe de chegada a través de outras culturas, de outros pobos