ACTIVIDADES 3º TRIMESTRE

SEMANA DAS LETRAS GALEGAS:

Esta é unha Semana Grande por excelencia, de celebración e gozo da nosa lingua en diferentes contextos. Este ano Carlos Casares encheu este espazo achegándonos á súa homenaxe. A participación conxunta de toda a comunidade escolar subliñando nela ademais das familias as propostas do concello para a súa celebración, formarán xunto coas seguintes propostas un tempo e espazo de cultura:

Tralos pasos de Carlos Casares-

A viaxe no tempo dende a súa infancia ata a súa morte. A vida, o papel intelectual, o home, a obra,…

Curtametraxe sobre Carlos Casares-

Elaboración dunha curtametraxe sobre o realizado nas Letras en torno á figura do homenaxeado.

https://www.youtube.com/watch?v=fRmBimifIO0

Tertulias literarias-

Os xoves literarios chegaron coa obra de Carlos Casares en lecturas públicas; esta actividade cultural e educativa pretendeu achegar ademais do coñecemento da obra, o gozo da lectura e o estímulo para a participación na que o grupo se enriqueza coas impresións e achegas dos outros a través do diálogo. Así:

1º e 2º- A Galiña azul

3º e 4º- Toribio

5º e 6º- As laranxas máis laranxas de todas as laranxas

3 e 5 anos- Lolo anda en bicicleta.

Roteiro de teatro: “Unha aventura en palabras”-

Froito das propostas anteriores sairá un grupo de teatro que en distintos espazos do centro achegará distintas temáticas e aspectos do homenaxeado en representacións de tempos curtos.

Musical Letras Galegas-

A tradición musical da zona de Tomiño (Treboadas e danza de Estás) iniciada no entroido seguiu na procura da tradición musical galega.  A especialista de música compuxo unha peza musical para o poema de Carlos Casares  “ Sempre é cedo” que cantaron todo primaria e serviu de base para a curtametraxe.

Exposición artística e literaria da obra de Carlos Casares-

Este ano a proposta colectiva artística xirou en torno ao “mural” (imaxe en soporte parede, pedra- muro), onde se executaron as primeiras manifestacións artísticas da prehistoria, polo que empregaremos esta proposta para achegar de xeito visual a Carlos Casares. O mural coa temática das súas obras foi pintado coa participación de todo o cole.

Visita ao Museo de Pontevedra-

Neste percorrido polo noso turismo Galego de museos e seguindo coas pautas iniciadas no inicio de curso abordamos agora a visita ao Museo de Pontevedra neste trimestre para achegar aos cativos/as distinto documental gráfico e visual.

Exposición artística Terras de Tomiño-

Esta exposición recolle no centro a mostra artística que elaborou o alumnado para a ilustración do libro de Tomiño e que se expón no centro xunto tamén e as fotos de lugares de Tomiño sacadas polas familias coa súa descrición.

Viaxando do pasado aos nosos días:  Turonia-

Esta actividade goza de moita tradición tanto na escola coma nos outros catro centros de ensino de Tomiño participantes e é a que pon remate final ao curso escolar. Desenvólvese dous días cos maiores de 5º e 6º e os cinco centros da zona pernoctando fóra e con moitas actividades culturais. Este ano o fío condutor foi “ Turismo sostible de Tomiño” relacionado coas temáticas do Monte Tetón ( petróglifos, museo ao aire libre), a montaña, os garranos, os cabalos, Veraleza (empresa de produción e distribución de flor de Tomiño, Figueiró e as piraguas de Goián.  Nela o patrimonio, a historia, a natureza, o deporte e os xogos, a convivencia, a nosa cultura é difundida e vivenciada polos nenos e nenas poñendo en valor o seu.

Tamén fíxose un percorrido similar pero máis curto co alumnado de 1º a 4º coa mesma temática e incidindo nas lendas de Tomiño, dende os Muíños do Porto ata Barrantes.

E os de infantil este ano co mesmo fío visitaron o Muíño de Barrantes coa galiña Marcelina, curmán da Galiña Azul de Carlos Casares.

As actividades mencionadas tiveron difusión a través do noso blog Falamos e das páxinas creadas con códigos QR para a difusión das actividades.

Xornal escolar dixital-

    Publicación da revista escolar dixital “Lúa Nova” da escola, a modo de resumo anual e co obxectivo de divulgar dixitalmente e dar a coñecer unha parte importante da vida do centro durante o presente curso escolar. Realizarase para ter dispoñible a final de curso.